Terracina

Terracina
Lando	Italio
Regiono	Latio
Loĝantaro	44 700 (2023)
Alto	22 m

Terracina estas urbeto en Latio en centra Italio kun ĉ. 40mil loĝantoj.

Ĝi kuŝas ĉe la marbordo, en loko kie la montaraj rokoj atingas la maron.

Kompreni

Historio

Verŝajne Terracina estis etruska loĝejo, sub la nomo Trachna, kiu havas la saman devenon kiel la urbo Tarquinia, preskaŭ 200 km pli norde laŭ la sama marbordo. Ĝi estis tamen ankaŭ greka urbo, aŭ urbo vizitata de la grekoj, sub la nomo Tarrakine, kiu laŭ iu tradicio signifas vespermanĝo sur la grundo.

Dum mallonga tempo Tarrakine falis sub la Volskoj, kiuj ŝanĝis ĝian nomon al Anxur (elp. anksur). Ili estis verŝajne la konstruintoj de la plej malnovaj muregoj ankoraŭ videblaj; atentu tamen ke la tiamaj muregoj estis parte detruitaj, kaj aliaj muregoj (ankaŭ videblaj ĝis nun) estis konstruitaj dum la mezepokaj.

Konkerita de Romio, Terracina prosperis ĉar ĝi estis ĉe la Appia Vojo, la plej grava kunligo inter Romo kaj Suditalio / Grekio, kaj samtempe ĝi estis bona haveno.

La Romianoj uzis ankaŭ kanalon flanke de la Appia Vojo, ĉar la veturo per boato, en la parto kie ĝi eblis, estis pli rapida ol iri piede aŭ per azeno. De la Romia urbo restas multaj monumentoj.

Interesaj estas pluraj rimedoj uzitaj de la Romianoj por mallongigi la vojaĝon apud Terracina. Ili estigis kanalon de Forum Appii ĝis Terracina, kiu kuris flanke de la vojo; la vojaĝantoj povis eniri boatojn, trenitajn de muloj. En Terracina, estis malfacila pasejo, ĉar roka montara kresto atingas ĉi tie la maron; sub la imperiestro Trajano la rokoj de la Pisco Montano estis tranĉitaj, estigante artefaritan trapasejon ankoraŭ videblan.

Dum malmultaj jarcentoj en la mezepoko, la vojo proksima al la maro iĝis tro danĝera pro la atakoj de Araboj venantaj trans mare; en 883 Terracina mem estis prirabita. Do la vojaĝantoj plej ofte uzis pli internajn vojojn kaj Terracina malprosperis. Malgraŭ kelkaj malfavoraj tempoj, ĝi tamen restis ĉiam sufiĉe vigla urbeto.

Aliri

Aviadile

La plej proksimaj komercaj flughavenoj estas tiuj de Romo: Romo-Fiumicino (FCO) kaj Romo-Ciampino (CIA).

Trajne

Kvankam malgrava fervojo ankoraŭ atingas Terracina-n, neniu trajno veturas en ĝi.

La plej proksima fervoja stacidomo estas tiu de Priverno-Fossanova, ĉe la fervojo Romo-Formia-Napolo.

Aŭte

Terracina kuŝas sur la hodiaŭa via Appia (SS 7), gardanta la nomon kaj pli-malpli la irejon de la antikva romia ŝoseo. La via Pontina (SS 148) kuras paralele al la via Appia, kaj kuniĝas kun ĝi mallonge antaŭ Terracina.

Aŭtantoj venantaj de Norditalio aŭ trans la Alpoj povas veturi per la aŭtoŝoseo A1 ĝis la elirejo de Frosinone, poste laŭ SS 156 tra Priverno.

Bicikle

Tra Terracina kuras EV 7 (Eurovelo-7), la biciklovojo de Norda Kabo ĝis Malto.

Moviĝi

Aĉeti

Loĝi

Esperanto