Gaeta

Gaeta
Lando	Italio
Regiono	Latio
Loĝantaro	20 260 (2019)
Alto	0-171m

Gaeta (elp. /ga'eta/) estas urbeto en Latio en centra Italio.

Kompreni

Gaeta kuŝas en eta duoninsulo kun kruta monteto, kiun la domoj ĉirkaŭas sur tri flankoj, dum la kvara estas nur neireblaj rokaĵoj super la maro.

Oriente de la duoninsulo estas vasta golfo, pro kiu la duoninsulo estis jam en la antikva tempo uzata kiel natura haveno.

La urbo entenas monumentojn de pluraj epokoj, ekde la romia epoko. La krutaĵoj ĉe la suda marbordo estas nepre vidindaj.

Aliri

Aliri avie

La plej proksimaj flughavenoj estas en Napolo kaj en Romo. (Vidu tiujn.)

Aliri trajne

Gaeta estas proksima al Formia, kie haltas pluraj trajnoj venantaj de Romo aŭ de Napolo.

Alire aŭte

De la aŭtoŝoseo A1 (Milano-Napolo), eliro de Cassino, al Gaeta estas ĉirkaŭ 45 km de bona ŝoseo; pro la trairo de Formio, necesas kutime 40-45 minutojn.

Veturantoj venantaj de Romo kutime preferas la rapidan ŝoseon SR 148 "Pontina" + la nacian ŝoseon SS 7 "Appia" (150 km de Romo - anstataŭ 175 tra A1).

Simile de Napolo la rapida ŝoseo SS 7-quater "Domitiana" (95 km) estas kutime pli uzata ol la veturo tra A1 (140 km).

Moviĝi

Aĉeti

Manĝi

Tiella de Gaeta

La tiella de Gaeta estas tradicia kunportebla manĝaĵo, komparebla al sandviĉo. Ĝi estas kunmetaĵo de du rondoj similaj al malgrandaj picoj, inter kiuj oni metas fiŝon, legumojn aŭ aliajn kuiraĵojn. Similaj manĝaĵoj estas troveblaj en granda parto de Suditalio.

Loĝi

Esperanto