Tarquinia

Tarquinia

Lando

Italio

Regiono

Latio

Loĝantaro

16 279 (2019)

Alto

132m

Tarquinia (elp. Tarkŭinja) estas urbo en Latio en centra Italio.

Kompreni redakti

Tarquinia kuŝas sur monteto malalta (133 m) proksima al la tirrena marbordo.

Ĝi aspektas mezepoka urbo, ĝia origino tamen estas tre antikva: ĝi estis prospera etruska urbo, poste romia. Kvankam ankaŭ la mezepoka centro meritas viziton, la famo de tiu urbeto precipe rilatas al la restaĵoj lasitaj de la etruskoj, inter kiuj multaj tomboj kun interesaj freskoj.

Apud la urbo (ĉ. 6 km) estas alloga ankaŭ la longa sabla marbordo.

Historio redakti

Tarĥna (la etruska nomo de Tarquinia) estis unu el la dudek ĉefaj urboj de la Etruskoj, kaj kuŝis 3-4 km nordoriente de la nuna urbo, apud la monteto Colle della Civitucola. La urbo estis grava komerca haveno jam en la 8-a jarcento a.K., favorata de pluraj minoj en la montetoj ĉirkaŭ la nuntempa urbeto de Tolfa (ĉirkaŭ 30 km fore). Dum pluraj jardekoj Tarquinia superregis eĉ la fruan Romon: la lastaj reĝoj de Romo (616-535 a.K.) devenis ĝuste de Tarquinia.

Post kelkaj jarcentoj, la roloj renversiĝis: en 295 a.K. Tarquinia estis venkita de Romo kaj ekde tiam ĝi estis parto de Romio ĝis la falo de la Okcidenta Romia Imperio.

Post mallonga tempo sub la Ostrogotoj, la urbo estis parto de la lombarda graflando de Tuscia. En tiu tempo, ĝi grave malprosperis kaj la malmultaj loĝantoj moviĝis apud la turon konstruita sur la monteto kie situas la nuntempa urbo. La nova vilaĝo kaj poste urbeto nomiĝis Cornetum (poste, en la itala, Corneto), kaj reakiris la nomon de la antikva urbo nur en 1872.

En la 8-a jarcento la urbo iĝis parto de la Papa Ŝtato, al kiu ĝi apartenis ĝis kiam, en 1870, ĝi estis akirita de la ĵus naskiĝinta Reĝlando de Italio. De la 12-a al la 14-a jarcento, tamen, ĝi estis preskaŭ sendependa komunumo.

Klimato redakti

Aliri redakti

Aliri aviadile redakti

La plej proksima flughaveno estas la flughaveno de Romo-Fiumicino (FCO).

Aliri trajne redakti

La stacidomo de Tarquinia estas sur la fervojo Romo-Pizo.

Aliri buse redakti

Aliri aŭte redakti

Transportiĝi redakti

Transportiĝi perpiede redakti

Publika transporto redakti

Transportiĝi aŭte redakti

Vidi redakti

Mapo de Tarquinia

Fari redakti

Somere la amantoj de la maro povas bani, sunumiĝi, ludi, sporti en la vasta sablejo ĉe la bordo de la Tirena Maro (Tarquinia Lido, 7 km de la urbocentro).

Pli sude, la natura rezervejo de Salina di Tarquinia (salina = salmarĉo; ankaŭ pluralo: saline) allogas la birdamantojn pro la birdoj, kiuj ĉefe vintre multenombras tie. Inter ili, estas menciindaj la fenikopteroj. Sume estas ĉirkaŭ 200 specioj de birdoj kiuj haltas tie - plejparte videblaj nur dum kelkaj monatoj.