Tihany

Tihany

Lando

Hungario

Regiono

Meza Transdanubio

Loĝantaro

1369

Tihany [tihanj] estas vilaĝo kaj somera banloko, feriejo en mezo de Transdanubio en Hungario. Spite la vilaĝan statuson Tihany apartenas al la plej gravaj turistaj cellokoj.

Kompreni redakti

Tihany situas sur duoninsulo laŭ Balatono en iama vulkana kratero. Balatonfüred troviĝas nur 5, Siófok 13, Veszprém 20, Keszthely 51, Budapeŝto 109 kilometrojn aere.

Historio redakti

Interna lago de Tihany, fone Balatono

En tiu strategia loko la romianoj tie havis trapasejon tra la lago. La unua hungara (latinlingva) mencio pri Tihany okazis en 1055, tiam la hungara reĝo fondis tie abatejon kun reĝa tombejo. Dum la kontraŭturkaj bataloj estis tie fortikaĵo (nun apenaŭ videbla), kiun la turkoj neniam okupis. Ekde la 20-a jarcento la vilaĝo estas somera ripozejo.

Klimato redakti

Tihany troviĝas en modera, kontinenta klimato, kiel en plena Hungario.

Eniri redakti

Tihany estas alirebla voje kaj prame, ŝipe (se ne flosas glacioj sur la akvo).

Pramo ĉe Tihany

Eniri avie redakti

La plej proksima internacia flughaveno funkcias en Budapeŝto, krome estas maloftaj flugoj ĉe Keszthely.

Eniri trajne redakti

La plej proksima stacidomo funkcias en Balatonfüred.

Transportiĝi redakti

Tihany estas facile alirebla el la najbara vilaĝo Aszófő kaj proksima urbo Balatonfüred.

Transportiĝi perpiede redakti

La plena duoninsulo Tihany estas loko de turistaj vojoj.

Publika transporto redakti

En Tihany lokaj aŭtobusoj ne trafikas, sed la distancaj aŭtobusoj haltas en pluraj lokoj. Dum vintra periodo la busoj estas maloftaj.

Transportiĝi aŭte redakti

Tihany havas urban vojreton por aŭtoj, kio sufiĉas vintre. En la somera periodo veni aŭte estas riska. La pramo akceptas eĉ aŭtobusojn, same aŭtojn kaj personojn, tial Tihany havas gravan trairan trafikon.