Florenco

Florenco Firenze
Lando	Italio
Regiono	Toskanio
Loĝantaro	379 563 (2019)
Alto	50

Florenco (itale: Firenze /fi'rɛnt͡ʃe/) estas urbo en Toskanio en centra Italio.

Kompreni

Florenco kuŝas ĉe la rivero Arno, kiu fluas de la norda Apenino okcidenten, ĝis la Tirena Maro.

La rivero, longa ĉirkaŭ 240km, ne estas sufiĉe larĝa por ŝipoj. Gravas tamen (kaj gravis jam en la antikveco) la rolo de ĝia valo en la kunligo inter variaj lokoj.

Florenco estas mezgranda urbo, kun ĉ. 370mil loĝantoj. La centro estas tre riĉa je mezepokaj monumentoj, kelkaj kun famaj pentraĵoj. Estas ankaŭ pluraj muzeoj, inter kiuj la famega Galleria degli Uffizi. Ĝi estas pro tio unu el la plej vizitataj urboj en la mondo (la 4a en Italio, post Romo, Venecio kaj Milano, kun ĉ. 10 milionoj da noktoj jare en hoteloj kaj aliaj kompareblaj loĝejoj).

Historio

Antikve la areo estis loĝata de Etruskoj. En la loko de la nuna Florenco estis tamen nur vilaĝo apud riverpasejo; la plej grava urbo apude estis Vipsul, hodiaŭ Fiesole, pli alte sur la ĉirkaŭaj montetoj.

Post kiam Romio konkeris la tutan areon, vera urbo estis fondita apud la rivero Arno, loĝata de romiaj veteranoj. Tradicie ĝi estis fondita de Julio Cezaro en 59 a.K., sed eble ĝi estis fondita iom poste (ĉirkaŭ 20 a.K.); ĝi havis la tipan strukturon de romiaj urboj, kun vojoj rektaj kaj ortaj kaj rektangula centra placo, la forumo; tiu ĉi estis en la loko de la nuna Placo de la Respubliko (Piazza della Repubblica).

La urbo estis nomita Florentia, kaj denove estas tradiciaj klarigoj kaj fakaj klarigoj. Unu el la legendoj asertas ke la nomo devenas de militisto nomata Florus, mortigita ĉi tie, alia ke ĝi devenas de Floralia, ludoj honorantaj la diinon Flora; la fakuloj tamen plejparte opinias ke la nomo estis bondeziro por la nova urbo, "floranta", sed ankaŭ "floronta".

(...)

Aliri

Transportiĝi

Multaj utilaj informoj troveblas en la retejo:

• FeelFlorence - Mobility (en 5 lingvoj)

Publika transporto

La publika transporto en la urbo estas proponata de ATAF (busoj) kaj GEST (tramoj). Aldone estas busoj kaj trajnoj al la proksimaj urboj.

Aĉeti

Loĝi

Pro la granda kvanto da turistoj, Florenco estas tre riĉa je lokoj kie oni povas pasigi unu aŭ plurajn noktojn.

En la urbo aŭ tute apude, estas 1 gastiganto de Pasporta Servo ^(2020/12).

Kampadejoj

Estas kelkaj kampadejoj en la urbo mem (ekzemple Camping Firenze, Camping Michelangelo) aŭ proksimaj (ekzemple Camping Village Panoramico Fiesole en Fiesole, ĉ. 10km, Camping Internazionale Firenze en Impruneta, ĉ. 15km).

Esperanto

La 1-a Itala Kongreso de Esperanto okazis ĝuste en Florenco en 1910, kaj tie estis decidita la kreo de la Itala Esperanto-Federacio.

Du Universalaj Kongresoj okazis en Florenco: UK 1935 estis kongreso migranta, en Florenco, sed ankaŭ en Romo kaj Napolo; UK 2006 estis pli normala kongreso, tute en Florenco.

Tutaga ekskurso al Florenco okazis dum la itala kongreso, la 28-an de Aŭgusto 2024:

Oni promenis en la historia centro de la urbo, juvelo de la Renesanco sed kun stratetoj kaj mezepoka animo. Oni vidis la plej gravajn preĝejojn: la Bazilikon Sankta Maria Novella kaj la proksiman parfum-farmacian metiejon, la katedralon Sankta Maria del Fiore, kun sonorilturo de Giotto kaj Baptistero, la Bazilikon Sankta Croce, Piazza della Signoria kaj Palazzo Vecchio kun la turo de Arnolfo, Loggia dei Lanzi kaj la galerion de la Uffizi, la riveron Arno kaj Ponte Vecchio kun la oraĵejoj, Palazzo Pitti, Palazzo Strozzi, Palazzo Davanzati, Piazza della Repubblica; oni promenis laŭ la rivero Arno kaj ĝis Via Tornabuoni, altmoda strato kun moddomoj Gucci, Pucci, Palazzo Museo Ferragamo kaj multe pli, kiujn oni renkontis dum la promenado kun loka ĉiĉerono.

Manĝosako estos por la tagmanĝo en verda loko.

Lokaj esperantistoj

La Esperanto-klubo de Florenco (Associazione Esperantista Fiorentina = "Florenca Esperantista Asocio") estis fondita en 1905; ĝia sidejo estas nuntempe en via delle Porte Nuove 33, en la okcidenta parto de la urbo, sufiĉe proksime (1km) al la ĉefa fervoja stacidomo.

La retejo estas: www.esperanto-florenco.it.

Viziti plu

• Fiesole (8km)
• Luko (76km)
• Montecatini Terme (48km)
• Pistoia (38km)
• Pizo (80km)
• Porretta Terme (73km)
• Prato (21km)
• San Gimignano (60km)
• Siena (77km)

• Montopasejo Abetone (88km)
• Nacia Parko Kasentinaj Arbaroj (51km)