Celje

Celje
Lando	Slovenio
Loĝantaro	37 188 (2023)
Alto	240 m

Celje (elp. ĉelje) estas urbo en orienta Slovenio.

Kompreni

Aliri

Aviadile

La plej proksima komerca flughaveno estas tiu de Maribor (50 km), atingata tamen de malmultaj flugkompanioj. Kutime konvenas uzi la flughavenon de Ljubljano (80 km).

Eblas ankaŭ uzi pli malproksimajn flughavenojn en apudaj landoj:
> tiu de Zagrebo en Kroatio (125 km)
> tiu de Graz en Aŭstrio (115 km)
> tiu de Klagenfurt en Aŭstrio (130 km)

Trajne

La trajnveturo de Ljubljano al Celje daŭras kutime 1h15-1h30. Estas sufiĉe oftaj veturoj.

Estas kelkaj rektaj trajnoj ankaŭ de Graz al Celje, kiuj bezonas 1h30-2h. De Vieno kutime oni devas ŝanĝi almenaŭ en Graz; la vojaĝo daŭras proksimume 5h aŭ iom pli.

De Zagrebo al Celje la trajna vojaĝo daŭras ĉ. 2h (1h45-2h15). Kutime necesas ŝanĝi en Zidani Most, kvankam estas ankaŭ rektaj trajnoj. Estas nur malmultaj veturoj.

De Triesto al Celje necesas ŝanĝi almenaŭ en Ljubljana (aŭ en Pivka). Ne estas multaj veturoj; la plej rapida vojaĝo daŭras ĉ.4h30, la ceteraj pli ol 5h kaj eĉ pli ol 6h.

De aliaj eksterlandaj lokoj (ekzemple Budapeŝto, Salcburgo, Munkeno, Venecio) necesas kutime ŝanĝi trajnojn 2 fojojn aŭ pli, kaj do la vojaĝo daŭras longe.

Aŭte

Celje situas apud la aŭtoŝoseo A1 Koper-Ljubljano-Maribor(-Graz). Okcidente ĝi estas kunligata per A3 al itala RA13/RA14 de Triesto kaj A4 de Venecio; oriente ĝi estas kunligata al hungara M70-M7 de Budapeŝto kaj aŭstria A2 de Vieno.

Veturantoj venantaj de suda Francio, Hispanio ktp povas veturi tra Venecio; tiuj venantaj de Pollando, Ĉeĥio ktp tra Vieno; tiuj venantaj de Romanio tra Budapeŝto (aŭ Zagrebo).

Veturantoj venantaj de Zagrebo kaj pretere povas preni la kroatan aŭtoŝoseon A3 (kiu poste iĝas la slovenan A2) direktan al Ljubljano kaj lasi ĝin ĉe la elirejo "Krško" (n.31), poste veturi laŭ la regiona ŝoseo N.5 (ĉ. 70 km de la elirejo al Celje).

Veturantoj venantaj de Germanio aŭ norda Francio povas veturi tra Salcburgo - Klagenfurt (aŭtoŝoseoj A10-A11 en Aŭstrio kaj A2-A1 en Slovenio).

Bicikle

Celje kuŝas ĉe la eŭropa biciklovojo "EV 9" (Eurovelo 9) "Balta-Adriatika Vojo" de Gdansko al Pula.

Moviĝi

Piede

La urbo estas ebena kaj, precipe ĝia centro, estas malgranda. Estas tre komforte ĉirkaŭmoviĝi en ĝi piede.

Aĉeti

Loĝi

Esperanto

Viziti plu

• Laško (ĉ.12 km), ĉarma terma banejo kun fama loka biero
• Velenje (ĉ.25 km), vilaĝo kun historia kastelo kaj tri apudaj lagetoj
• Mariboro (ĉ.55 km)
• Krapina en Kroatio (ĉ.60 km), kun multaj restaĵoj de la Neandertala homo
• Ptuj (ĉ.65 km), mezepoka urbeto
• Ljubljano (ĉ.75 km)
• Zagrebo en Kroatio (ĉ.110 km)
• Graz en Aŭstrio (ĉ.125 km)