Amalfi

Amalfi
Lando	Italio
Regiono	Kampanio
Loĝantaro	4848 (2021)
Alto	6m

Amalfi estas urbeto en Kampanio en suda Italio.

Kvankam hodiaŭ malgranda urbo (malpli ol 5000 loĝantoj en la tuta komunumo), ĝi estis en la Mezepoko potenca mara respubliko; de tiu tempo restas gravaj monumentoj.

Eĉ pli ol la belega mezepoka katedralo allogas turistojn la apuda marbordo, kie altaj, krutaj rokoj superrigardas la maron preskaŭ vertikale.

Kune kun Amalfi ni priskribas ĉi tie la apudajn vilaĝojn Atrani kaj Ravello.

Kompreni

La kalkoŝtona montoĉeno Lattari estigas duoninsulon fermantan sude la golfon de Napolo. La suda flanko de tiu montoĉeno rompiĝas kontraŭ la maro kun longa, kruta roka bordo. Meze de la rokoj estas tamen valetoj kaj rodetoj, kie ekde pratempoj ekestis vilaĝoj.

Protektataj de la krutaĵoj kontraŭ agresantoj, la vilaĝoj ekfloris dum la malfacilaj jarcentoj de la Mezepoko, inter ili precipe Amalfi. Poste, la belaj vidadoj kaj la milda klimato allogis riĉulojn, kiuj konstruis vilaojn kaj ĝardenojn.

La Costiera Amalfitana (Amalfa Marbordo), longa ĉ. 50km, estas unu el la mondaj heredaĵoj de Unesko.

Amalfi, doninta sian nomon al la tuta roka marbordo, estis historie pli ol la loka ĉefurbo - ĝi estis dum la Mezepoko mara respubliko kies komercaj ŝipoj iris tra la tuta Mediteraneo.

Aliri

Aliri avie

Estas malgrava flughaveno apud Salerno (40 km), tamen ĝi ne estas ankoraŭ uzata de ordinaraj komercaj flugoj.

La plej proksima komerca flughaveno estas tiu di Napolo (64 km).

Aliri trajne

Neniu fervojo atingas Amalfi-n. La plej proksima trajna stacidomo estas en Vietri sur la Maro (20km, linio Napolo-Salerno). De tie estas busoj (ĉ. 1h al Amalfi).

Aliri buse

Sufiĉe oftaj busoj kunligas Amalfi-n kun Salerno (1h15) kaj kun Sorrento (1h30).

Malmultaj busoj kunligas rekte Napolon kun Amalfi (2h; ne veturas dimanĉe).

Informoj ĉe la oficiala retejo de la buskompanio: Sita Sud Trasporti. Ankaŭ, eble pli klare, ĉe aliaj retejoj, ekzemple Positano.com (itale kaj angle).

La ŝoseo laŭ la kruta marbordo estas mallarĝa kaj serpenta, do busoj veturas malrapide; somere ĝi estas ankaŭ trafikoplena, do busoj ofte malfruas.

Aliri ŝipe

Somere (kaj printempe ekde aprilo) eblas atingi Amalfi-n de Salerno ŝipe. La veturo daŭras 1h kaj kostas 9€ (ordinara bileto).

Estas ŝipaj kunligoj ankaŭ kun pluraj urbetoj de la Amalfa Marbordo.

Informoj kaj biletoj ĉe Travelmar (itale kaj angle).

Transportiĝi

Aĉeti

Loĝi

Esperanto