Sudegeaj insuloj

Sudegeaj Insuloj (Περιφέρεια Νοτίου Αιγαίου)
Lando	Grekio
Ĉefurbo	Ermupolo (Ερμούπολη) en la insulo Siro
Areo	5286 km²
Loĝantaro	327 820 (2021)
Horzono	UTC+2 (somere UTC+3)

La Sudegeaj Insuloj estas la insuloj en Grekio en la suda parto de la Egea maro, entenataj en la oficiala regiono nomata Suda Egeo (greke: Περιφέρεια Νοτίου Αιγαίου /Peri'ferja No'tiu E'geu/, t.e. distrikto de la suda Egeo). La regiono ne entenas Kreton, situantan eĉ pli sude.

La ĉefurbo estas Ermupolo (Ερμούπολη) en la insulo Siro (Σύρος /'siros/). La plej granda urbo, tamen, estas la urbo Rodoso (Ρόδος /'rodos/) en la samnoma insulo.

Subregionoj

La Sudegeaj insuloj entenas du vastaj grupoj de insuloj.

Cyclades=Cikladoj, Dodécannèse=Dodekanesoj - Ikario apartenas al Nordegeaj insuloj

Cikladoj (Naksoso, Androso, Tinoso, Paroso, Mikonoso, ktp) Malgrandaj insuloj estigantaj preskaŭ cirklon en la okcidenta parto de suda Egeo; la plej granda estas Naksoso, la plej famaj estas Deloso, Mikonoso kaj Santorino.

Dodekanesoj (Rodoso, Koo, Karpato, ktp) Dudek ĉefaj insuloj, kaj aldone multegaj malgravaj insuletoj, en la orienta parto de suda Egeo; la plej granda kaj plej fama insulo estas Rodoso.

Urboj

Ne estas grandaj urboj en Suda Egeo. En la plej granda, la urbo Rodoso en la samnoma insulo, loĝas ĉirkaŭ 50mil homoj.

Estas notinde tamen ke dum la somero al la konstantaj loĝantoj aldoniĝas multegaj turistoj.

Kompreni

Eniri

Eniri aviadile

Internaciaj flughavenoj estas en Mikonoso, Santorino, Koo, Rodoso. Malgravaj flughavenoj estas preskaŭ en ĉiu mezgranda insulo.

Eniri ŝipe

La haveno de Ateno, Pireo, estas kunligata ŝipe kun preskaŭ ĉiuj sudegeaj insuloj. Por atingi la plej orientaj insuloj ŝipoj haltas ankaŭ ĉe pluraj interaj insuloj, kaj la vojaĝo komenciĝas posttagmeze aŭ vespere, atingante la celon la postan matenon.

Kelkaj el la sudegeaj insuloj estas proksimaj al la turka marbordo, kaj atingeblaj de unu el ĝiaj havenoj (dependanta de la insulo) en malpli ol 2 horojn.

Informoj interrete en pluraj lingvoj ekzemple ĉe AFerry, Direct Ferries; en la greka kaj la angla ekzemple ĉe Hellenic Seaways; en la turka kaj la angla ekzemple ĉe Turyol (por kunligoj kun la turka marbordo).

Eniri aŭte

Oni povas kunporti aŭton per pramoj.

Moviĝi

Piede

Estas multaj okazoj por piediri. En kelkaj lokoj (ekzemple en la mezepoka urbo de Rodoso) estas piediraj areoj, en aliaj lokoj (ekzemple la urbo Kos) estas larĝaj trotuaroj. Aldone, la sablo ĉe la marbordo povas esti bona okazo por promeni.

Nur atentu pri la suno, kiu somere batas forte sur vian kapon kaj sur via haŭto. Longaj promenoj dum la centraj horoj de la tagoj povas esti tre malkomfortaj.

Per publika transporto

Ne estas fervojoj aŭ metrooj. Nur estas busoj.

Kutime, busoj estas oftaj kaj konvenaj nur somere kaj nur en la areoj plej proksimaj al la ĉefurboj de la ĉefaj insuloj (ekzemple Rodoso, Kos, ktp).

Inter la insuloj estas pramoj aŭ rapidaj ŝipoj. Atentu ke ili ne estas oftaj! Kutime estas nur unu aŭ du veturoj tage.

Aŭte

Al la turistoj emantaj viziti ankaŭ malpli famajn lokojn estas konsilinde lui aŭton. En la plimulto de la insuloj estas multaj lokoj kie oni povas lui aŭton, eĉ dum unu tago.

Eblas ankaŭ lui motorciklojn (motorbiciklojn aŭ motorciklojn kun kvar radoj).

Ŝoforante vian veturilon (kunportatan per pramo aŭ luatan), memoru ke multaj vojoj estas mallarĝaj kaj kurboriĉaj. Estu ĉiam singardema!

Bicikle

Kelkaj lokoj (ekzemple la urbo Kos, ĉefurbo de la samnoma insulo) estas riĉaj je biciklovojoj kaj tre taŭgaj por bicikli - sed en multaj aliaj lokoj vojoj estas mallarĝaj aŭ krutaj.

Manĝi

Trinki

Loĝi

Esperanto