Mcĥeta

Mcĥeta
Lando	Kartvelio
Regiono	Mcĥeta-Mtianeti
Loĝantaro	7 940 (2014)

Mcĥeta (kartvele: მცხეთა) estas urbo de Kartvelio situanta 15 km norde de Tbiliso, ĉe la kunfluejo de la riveroj Kura kaj Aragvi. Ĝiaj historiaj monumentoj estas kultura monda heredaĵo de Unesko.

Kompreni

Historio

Mcĥeta estas grava historia urbo: ĝi estis la ĉefurbo de la Iberia reĝlando de la 3-a jarcento a.K. ĝis la 5-a jarcento p.K., ĝis la reĝo Daĉi movis la ĉefurbon al Tbiliso.

Eniri

Eniri buse

Mcĥeta estas facile atingebla de Tbiliso per buseto. Ili ofte veturas de la busa stacidomo Didube kaj veturo daŭras 20 minutojn.

Transportiĝi

Transportiĝi perpiede

La urbocentro estas malgranda kaj eblas iri ĉien rapide piede.

Vidi

Monaĥejo Ĝvari

• La Katedralo Sveticĥoveli (სვეტიცხოვლის საკათედრო ტაძარი, laŭvorte “katedralo de la vivanta piliero”) el la 11-a jarcento estas la dua plej granda preĝejo en Kartvelio (post la katedralo de Sankta Triunuo en Tbiliso). Ĝi estas unu el la plej gravaj lokoj de la kartvela ortodoksa eklezio.
• La monaĥejo Ĝvari (ჯვრის მონასტერი, laŭvorte “monaĥejo de la kruco”), el la 6-a jarcento, staras sur monto de kie estas belega panoramo al la urbo kaj ĉirkaŭaĵo. Eblas iri tien per taksio aŭ per buseto de la turisma informejo kontraŭ 5 larioj.

Aĉeti

Loĝi

Viziti plu

• Kartvela milita vojo