Maceió

Maceió
Lando	Brazilo
Regiono	Alagoaso
Loĝantaro	958 000 (2022)
Alto	0-300 m

Maceió (elp. mase'jo, esperante ankaŭ Masejoo aŭ Macejoo) estas urbo en la ŝtato Alagoaso en nordorienta Brazilo.

Kompreni

La nomo de Masejoo devenas de la tupia lingvo kaj precize de la vorto maçayó = "fermanta la marŝon", priskribanta la lokon kie troviĝas nun la urbo, inter laguno kaj ĉemara sablejo.

La ĉefa allogaĵo de Masejoo estas la oceano, kun belaj sablaj marbordoj.

Klimato

La klimato de Masejoo estas tropika malseka, mildigata de la oceano. La temperatura estas la tutan jaron ordinare inter 26°C (malofte ĝis 18°C) kaj 30°C (malofte ĝis 36°C), pli proksima al 30°C somere (de decembro al marto) kaj pli proksima al 26°C vintre (de majo al septembro). Pluvoj povas okazi en ĉiu monato, sed estas aparte abundaj vintre.

Aliri

Aviadile

La internacia flughaveno de Masejoo (nomo: Zumbi dos Palmares, IATA-kodo: MCZ, retejo: www.aenabrasil.com.br/pt/aeroportos/aeroporto-internacional-de-maceio-zumbi-dos-palmares) kuŝas ĉirkaŭ 20 km norde de la urbo, ĉe la vojo al Rio Largo.

Malgraŭ la adjektivo "internacia", preskaŭ ĉiuj komercaj flugoj de/al Masejoo kunligas ĝin al aliaj urboj en Brazilo (Brazilio, Sankta-Paŭlo, Belo-Horizonte ktp). Nur malmultaj kunligas ĝin rekte al urboj ekster Brazilo; inter ili, indas mencii la rektajn flugojn de Masejoo al Lisbono de la kompanio TAP (la vojaĝo daŭras 9-10h).

Por atingi la urbon de la flughaveno, eblas uzi taksiojn aŭ busojn (ônibus).

Trajne

Ne eblas atingi trajne Masejoon de malproksimaj urboj.

Buse

Atingi Masejoon buse postulas longan tempon. Tre ofte necesas vojaĝi dum la nokto, dormante en la buso. Kontrolu ĉu la buso havas necesejojn (ne ĉiuj havas, sed ili haltas ofte en lokoj kie ili haveblas). Kelkaj seĝoj povas esti klineblaj.

Ekzemple, de Recifo al Masejoo la veturo daŭras 4-6 horojn, de Natalo 10-13, de Fortalezo ĉirkaŭ 20, de Braziljo 32-38, de Rio almenaŭ 36.

Pluraj retaj agentejoj, kiel BusBud aŭ BusOn, helpas la serĉadon kaj la biletaĉetadon.

Aŭte

Masejoo apudas la gravan ŝoseon (rodovia) BR-101, parton de la Tutamerika Ŝoseo, de Norda Rio-Grando preskaŭ ĝis la landlimo kun Uruguajo. Pli malgravaj ŝoseoj kunligas Masejoon al BR-101; inter ili estas menciinda BR-104 (ĉ. 30 km de Masejoo al BR-101).

Moviĝi

Per publika transporto

La kompanio CBTU funkciigas du urbajn trajnliniojn, la BLUAN (Linha Azul) kaj la VERDAN (Linha Verde). La Blua Linio atingas la urbeton Rio Largo, ĉirkaŭ 20 km ekster Masejoo.

retejo: CBTU (PT)

Vidi

,

Aĉeti

Loĝi

En la urbo, estas 1 gastiganto de Pasporta Servo ^(2024/05).

Esperanto

En julio 2024 okazos en Masejoo la ILEI-Kongreso aranĝita de la Internacia Ligo de Esperantistaj Instruistoj.

Lokaj esperantistoj

La esperanto-klubo fondita jam en 1910 ne longe daŭris, sed bonŝance alia klubo naskiĝis poste: la Alagoana Asocio de Esperanto, fondita en Masejoo en la jaro 1971. Informoj haveblas interrete ĉe: Alagoana Asocio de Esperanto en Fejsbuko.

Viziti plu

• Penedo, historia urbeto, ĉ. 150 km sude
• Recifo, granda urbo, ĉ. 250 km norde