Komárom

Komárom

Lando

Hungario

Regiono

Norda Transdanubio

Loĝantaro

18 805

Alto

110 m

Komárom estas urbo kun turista celloko en Norda Transdanubio en Hungario.

Kompreni redakti

Komárom situas sur ebenaĵo laŭ la maldekstra bordo de Danubo. Tatabánya troviĝas 27, Győr 37, Budapeŝto 74 kilometrojn.

Historio redakti

Ponto de Komárom

Proksime de tiu loko estis signifa limurbo, ankaŭ haveno de la Romia Imperio kun loknomo Brigetio. La hungaroj ekloĝis laŭ la maldekstra bordo, tio estis Komárom, kies tasko estis certigi la trafikon tra Danubo. La unua mencio okazis en 1249. Post la mezepoko la loko estis limfortikaĵo de reĝa Hungario. La turkoj vane sieĝis ĝin en 1594, poste komenciĝis konstruadoj de la fortika sistemo ankaŭ en la maldekstra bordo, kiu tiutempa havis la nomon Komárom. Male la malgrava dekstra bordo estis vilaĝo Új-Szőny ekde 1777. La fortikaĵserio havis grandan rolon dum la liberecbatalo en 1848-1849. La hungaroj tenis firme ilin eĉ post fiasko de la liberecbatalo. Oni konstruis ponton en 1892, post 4 jaroj Komárom kaj Új-Szőny unuiĝis sub nomo Komárom. Post la 1-a mondmilito la maldekstra parto apartenis al Ĉeĥoslovakio kiel Komárno, la restinta parto restis hungara kiel Komárom. En 1965 ŝprucis el profundo 1263 m kuracakvo 58 °C, poste oni konstruis banejon. Ekde 2008 la landlimo ĉesis, ĉar ambaŭ urboj apartenas al interna zono de Schengen.

Fortikaĵo

Klimato redakti

Komárom troviĝas en modera, kontinenta klimato, same kiel plena Hungario.

Eniri redakti

Komárom estas trafika centro facile alirebla.

Eniri avie redakti

Uzu flughavenojn de Budapeŝto, Vieno aŭ Bratislavo, poste elektu trajnon aŭ aŭtobuson.

Fervoja stacidomo de Komárom

Eniri trajne redakti

Komárom situas laŭ ĉefa linio inter Budapeŝto kaj Vieno, tamen la internaciaj trajnoj ne haltas, nur la hungaraj rapidtrajnoj. Estas flankaj linioj al Esztergom kaj Székesfehérvár, en la slovaka parto al Bratislavo kaj Nové Zámky.