Centretiopio

Centretiopio

Lando

Ĉefurbo

Adis-Abebo

Centretiopio estas centra parto de Etiopio. Ĝi ne estas oficiala regiono, sed nur turisma nomo por areo respondanta al la historia reĝlando de Ŝevao (amhare: ሸዋ /ŝə'wa/, internacie Shewa), kiu estis en la pasinteco la suda parto de Amhario.

Centretiopio estas nuntempe la ĉirkaŭaĵo de Adis-Abebo. La plej grava turisma celo en ĝi estas kompreneble Adis-Abebo mem, ĉefurbo de Etiopio.

Ne konfuzu Centretiopion laŭ turisma senco kun la freŝdate (2023) kreita Centra Etiopia Regiona Ŝtato. Centretiopio en la unua senco entenas Adis-Abebon, ĉiujn distriktojn kies nomoj entenas "Shewa" kaj aldone ankaŭ la Centran Etiopian Regionan Ŝtaton.

Subregionoj redakti

1. Adis-Abebo kun la ĉirkaŭa speciala zono

2. Norda Ŝevao

3. Okcidenta kaj Sudokcidenta Ŝevao

4. Orienta Ŝevao

5. Centra Etiopia Regiona Ŝtato (= Suda Ŝevao)

Urboj redakti

Adis-Abebo
Adama en orienta Ŝevao
Ambo en okcidenta Ŝevao
Debre Berhan en norda Ŝevao
Hosano (amhare ሆሣዕና /hosaʔə'na/, internacie Hosaena/Hossana) en suda Ŝevao
Zŭaj (amhare ዝዋይ /zə'way/, orome Baatuu, internacie Ziway) en orienta Ŝevao

De turisma vidpunkto gravas ankaŭ la vilaĝo de Ankober.

Esperantaj urboj redakti

Aliaj cellokoj redakti

Lago Zŭaj (amhare ዝዋይ /zə'way/, internacie ofte Ziway).

Kompreni redakti

Tereno redakti

Centretiopio estas montara regiono, entenanta la plej altaj partoj de kvar gravaj riverbasenoj:

la suda parto de la supra baseno de la Blua Nilo (Abaj); la cetero de tiu baseno apartenas al Amhario kaj, pli okcidente, al Sudanio;
la supra valo de la rivero Avaŝo; la cetero de tiu baseno apartenas al Afario kaj, pli norde, al Ĝibutio;
la orienta parto de la supra valo de la rivero Omo; la malsupra valo kuŝas en Sudetiopio.

Pluraj montoj superas 3000 m, kelkaj eĉ 3500 m; menciindaj estas la neaktiva vulkano Wochecha (3391 m) proksima al Adis-Abebo kaj la montaro Gurage (3565 m) apud la norda limo de Suda Ŝevao.

Estas ankaŭ pluraj altebenaĵoj, kiel la ebenaĵo longa ĉ.50 km okcidente de Adis-Abebo (je ĉirkaŭ 2100 m).