Verono

Verono
Lando	Italio
Regiono	Veneto
Loĝantaro	257.344 (8/2021)
Alto	59

Verono estas urbo en itala regiono Veneto, ĝi estas ĉefurbo de la samnoma provinco.

Kompreni

La urbo Verono estas grava turisma celo, vizitata ĉiujare de pli ol tri milionoj da homoj allogataj de la multnombraj internaciaj aranĝoj kiuj estas organjzitaj en la urbo, sed ĉefe pro sia arta riĉeco, kiu estas tia ke la historia centro estis deklarita Monda Heredaĵo de Unesko.

Verono estas belega ekzemplo de urbo, kiu evoluis iom post iom kaj seninterrompe dum pli ol du mil jaroj, integrante artajn elementojn de plej alta valoro apartenantaj al diversaj epokoj; ĝi reprezentas ankaŭ escepte la koncepton de fortika urbo evoluinta en pluraj etapoj.

La urbo staras laŭlonge la bordoj de la rivero Adiĝo, ĉe la punkto kie ĝi eniras la Padan valon kaj formas karakterizan duoblan meandron, proksimume tridek kilometrojn oriente de Garda Lago. Verono, situanta 59 metrojn super la marnivelo, situas ĉe la piedo de la monteto San Pietro, la suda apendico de la montoj Lessini.

Eniri

Eniri avie

Flughaveno de Verona-Villafranca

Eniri trajne

Stacidomo de Verono

Transportiĝi

Transportiĝi perpiede

La historia centro de Verono, proksimume en la sama areo de la setlejo de la romia epoko, estas sufiĉe kompakta kaj plejparte limigita per granda kurbo de la Adiĝo-rivero, kiel montrite en la mapo apude.

Ĝi estas atingebla de la fervoja stacidomo Porta Nuova prenante la samnoman straton kiu kondukas al Piazza Bra' (1 km) kie troviĝas la fama Areno.

De placo Bra on povas disbranĉigi sian itineron en pluraj direktoj.

Tenante strato Porta Nuova malantaŭ vi, prenante strato Roma kiu malfermiĝas maldekstren, vi tuj venas en vido de la kastelo nomita Castel Vecchio kaj la fama ponto Scaligero (aŭ ponto "Castel Vecchio").

Piazza Bra estas karakterizita per vasta trotuaro nomita el Liston bordita de restoracioj. Sekvante ĉi tiun piedvojon, vi eniras straton Giuseppe Mazzini kiu en ĉirkaŭ 500 m. ligas Piazza Bra' al la pompa Piazza delle Erbe, vera centro de la romia urbo kaj hodiaŭ populara turisma celo.

De Piazza delle Erbe eblas esplori la historian centron ĉiudirekten. Tra Corso Santa Anastasia oni rapide atingas la Pietra-ponton el la romia epoko. Trairante ĝin oni atingas la romian amfiteatron kaj la preĝejon de Sankta Stefano. Preter staras la montetoj kun la fortikaĵoj konstruitaj de la aŭstroj en la unua duono de la 19-a jarcento. (Fortikaĵo Sofia, San Matthias kaj San Leonardo)

• 
  Piazza Bra
• 
  Piazza delle Erbe
• 
  Piazza dei Signori

Aĉeti

Loĝi

Esperanto