Mara Parko de la insulo Mafio
Mafia Island Marine Park (Hifadhi Bahari ya Taifa ya Kisiwa cha Mafia, en la svahila) estas protektita mara parko ĉirkaŭ la Mafia Insularo en la Hinda Oceano kun areo de 822km². Ĝi administre situas en la Mafia Distrikto de Pwani Regiono en Tanzanio, je Latitudo: o7° 45' 07" S, kaj Longitudo: 39° 54' 01" E.
La plej proksima urbo estas Kilindoni
Efiko sur Mara Biodiverseco kaj lokaj fiŝistoj
redaktiAntaŭ la establado de Mara Parko de Insulo Mafio, spertaj lokaj fiŝkaptistoj unuanime raportis malkreskon en fiŝkaptoj. Laŭ tiuj ĉi fiŝkaptistoj, la malkresko komenciĝis en la 1960-aj jaroj kaj estis kaŭzita de dinamitfiŝkaptado, habitatodetruo, trofiŝkaptado kaj detrua ilaro. Kaptaĵoj estis plej malsupraj en la 1980-aj jaroj kaj 1990-aj jaroj ĵus antaŭ la establado de la parko en 1995.
Ekde la establado de la parko, tiuj samaj fiŝkaptistoj raportas ke la detrua praktiko de koralminado estis reduktita kaj nun estas permesita nur por porviva uzo. Tamen, studo (2003) rivelis vivan koralan kovron de nur 14%.
Aliflanke pro la kreado de la Parko, laŭ pluraj studoj, lokaj fiŝkaptistoj kaj vilaĝanoj suferis reduktitan kapaciton zorgi pri si mem kaj siajn familiojn pro la perdo de esencaj fiŝkaptejoj.
Efiko sur Fiŝaroj
redaktiStudoj en 2004 montris ke la biomaso korpo grandeco de fiŝspecoj kiel la lutjanoj estas ses al dek fojojn pli granda ene de la protektita areo, kaj ankaŭ rivelis ke fiŝkaptaj ejoj proksime de la protektita areo havis pli altajn fiŝabundojn kaj pli grandan averaĝan fiŝgrandecon ol ejoj pli for de la protektita areo, (transfluo okazas kiam fiŝpopulacio resaniĝis al tiaj altaj abundoj ene de protektita areo ke la fiŝoj komencas forlasi la protektitan areon, replenigante la ĉirkaŭan fiŝpopulacion). Sed pli da esplorado estas necesa por determini ĉu aŭ ne la parko sukcese protektas maran biodiversecon.
Turismaj vidindaĵoj
redaktiTurismaj farindaĵoj en la Mara Parko inkluzivas plonĝado spirtuba aŭ kun aparato. Mafia Insulo estas fama pro sia enmara loĝanta balenŝarka populacio.
