Makó

Makó

Lando

Hungario

Regiono

22 514

Alto

82 m

Makó estas apudlima historia urbo kaj termala kuracbanloko en sudorienta parto de Hungario.

Kompreni

Makó situas sur ebenaĵo laŭ dekstra bordo de malgranda rivero Maros (rumane Mureș). Hódmezővásárhely troviĝas 25, Szeged 26, Arad 65, Békéscsaba 70, Budapeŝto 180 kilometrojn (aere).

Historio

En tiu loko vivis hungaroj tuj depost la alveno (895), sed pli frue diversaj popoloj jam vivis. La unua mencio pri Makó okazis en 1247, tiutempe estis grava trapasejo tra la rivero. En la mezepoko la komunumo profitis de Maros, kie el Transilvanio alvenis salo kaj ligno per floso. Tiutempe Makó estis jure vilaĝo, tamen ĝi havis kelkajn opidumajn rajtojn. Dum la turka erao Makó kelkfoje estis detruita, eĉ foje ĝi senhomiĝis. En 1608 Makó estis opidumo, samtempe sultana bieno, post la turka dominado en 1686 ĝi denove senhomiĝis. En 1699 la ŝtato refondis Makó kun privilegioj. La urbo famas pri bulbo, kiu signifas kvaliton. Ĉiujare oni aranĝas festivalon pri bulbo.

Klimato

Makó troviĝas en modera, kontinenta klimato, kiel plena Hungario, sed la precipitaĵo estas iomete pli malgranda kaj la suno pli ofte brilas.

Eniri

Makó estas alirebla voje kaj trajne, la rivero estas konvena por flosoj.

Eniri avie

La plej proksima internacia flughaveno funkcias en Timișoara, la hungara en Budapeŝto.

Eniri trajne

Makó alireblas per flanka linio el Szeged (kie mankas fervoja ponto al la centra stacidomo), el Hódmezővásárhely kaj Orosháza. Rekta trajno el Budapeŝto nuntempe ne trafikas.

Eniri voje

Makó situas laŭ aŭtovojo M43 inter Szeged kaj Rumanio. Estas ankaŭ ĉefvojo en la sama direkto. Limpasejoj funkcias en la sekvaj vilaĝoj.

Transportiĝi

Transportiĝi perpiede kaj bicikle

Makó havas trotuarojn laŭ la vojoj por perpieduloj. En la urbo pli ol 20 kilometrojn da biciklaj vojoj funkcias.

Transportiĝi taksie

Estas kelkaj taksiaj entreprenoj en Makó, sed ĉiuj taksioj estas flavaj kaj plej supre estas lampo por signi la liberan staton. Vi povas voki ilin telefone, pli malofte mansvinge, krome en kelkaj lokoj estas stacioj, ekzemple ĉe stacidomo. Forlasi la urbon jam kostas duoble.