Kairo
| ||
 | ||
| Lando | Egiptio | |
| Loĝantaro | 16.000.000 | |
Kairo estas la ĉefurbo de Egiptio ĉe la rivero Nilo. La plej granda urbo de Afriko, ĝi estas la 13-a laŭ la kvanto de loĝantoj en la tuta mondo.
Kairo famas pro sia historio. Ĝi kunigas la antikvan historion de faraona epoko, monumentojn de la frua egiptia kristaneco kaj la belegajn specimenojn de la mezepoka islama arkitekturo.
Kvankam forte ligita al la pasinteco, Kairo havas bolantan modernan socion. La distrikto ĉirkaŭ la placo Midan Tahrir kun domoj plejparte konstruitaj en la 19-a jarcento estas konata kiel „Parizo ĉe Nilo“. Inter la modernaj apudurboj eblas nomi Ma'adi kaj Heliopolis.
La plej bona tempo por viziti la urbon estas aŭtuno aŭ printempo, kiam ankoraŭ ne estas varme.
Pro la revolucio de la jaro 2011 la urbo iĝis malpli vizitata, sed tio estas nur avantaĝo por la nuna turisto, kiu povas viziti popularajn vidindaĵojn sen svarmo de aliaj turistoj ĉirkaŭe.
Antaŭ ol viziti la urbon, estas bona ideo lerni la arabstilajn ciferojn (ili multe similas al la eŭropstilaj kaj havas la saman fonton). En hoteloj kaj aliaj turismaj institucioj laborantoj ofte posedas la anglan aŭ eĉ aliajn popularajn lingvojn: la francan, la germanan, la rusan kaj aliajn.
Kompreni
redaktiEniri
redaktiTransportiĝi
redaktiVidi
redaktiFari
redaktiLerni
redaktiLabori
redaktiAĉeti
redaktiSuveniroj
redaktiAtentu, ke koraloj kaj kelkaj aliaj memoraĵoj estas malpermesitaj por kunpreni forveturante el la lando: pri tio oni atentigos vin ĉie en la flughavenoj kaj aliaj lokoj.
Ĉar la antikvaj loĝantoj de Egiptio adoris animalojn, estas multaj statuoj de birdoj, ŝakaloj, skaraboj kaj aliaj animaloj vendataj en merkatoj kiel suveniroj. Escepte oftaj estas la katformaj figuroj de diino Bast, kiu simbolas ĝojon.
Multaj vendejoj specialiĝas pri odoraĵoj. Se vi volas aĉeti kvalitan aroman oleon, prefere iru al specialigita vendejo, ne al ajna suvenira butiketo.
Egiptio ravas per la elekto de relative malmultekostaj arĝentaj kaj oraj ornamaĵoj.
Falsaĵoj bedaŭrinde ne estas raraj en Egiptio. Inter la plej ofte falsigataj objektoj estas papirusoj.
Populara egiptia suveniro estas via nomo produktita laŭ la antikva maniero en kartuŝo (kadro ĉirkaŭ la nomo). Siatempe kartuŝoj helpis al la unuaj esplorintoj kompreni, kiel funkcias la antikva egipta skribsistemo.
