Burgaso

Burgaso Бургас Burgas
Lando	Bulgario
Loĝantaro	203.017 (2016)
Alto	30m

Burgaso (bulgare: Бургас Burgas) estas urbo en orienta Bulgario, ĉe la bordo de la Nigra Maro. Ĝi estas fama turisma celo.

Kompreni

Burgaso kuŝas ĉe golfo de la Nigra Maro, inter la maro kaj apudaj marbordaj lagoj, kaj pro tio ĝi estas la plej grava haveno de Bulgario. Danke al haveno, ĝi iĝis ankaŭ industria urbo.

Aliflanke, la ĉeesto de vastaj sablejoj kaj la milda klimato favoris turismon jam en la pasinteco (ĉefe ekde la Okcento).

En la urbo loĝas ĉirkaŭ 200mil homoj.

Aliri

Aliri avie

En Burgaso estas internacia flughaveno, fakte la dua flughaveno en Bulgario post Sofio.

Retejo estas: Burgas Airport (en la angla kaj en la bulgara).

Flugoj estas pli oftaj dum somero.

La urba busa linio 15 kunligas la flughavenon kun la urbocentro.

Aliri trajne

La trajna vojaĝo inter Burgaso kaj Sofio daŭras almenaŭ 6 horojn. Inter Sofio kaj Stralĝa (Стралджа, ĉ. 80km okcidente de Burgaso) estas du ebloj, tra Plovdivo kaj tra Kalofero (paralelaj fervojoj).

Aliri aŭte

Aŭtoŝoseo A1 kunligas Burgason kun Sofio.

Tiuj, kiuj venas de okcidenta Eŭropo, povas veturi tra Beogrado (aŭtoŝoseoj A1 kaj A3 ĝis la landlimo inter Serbio kaj Bulgario). De tie necesas uzi ordinarajn vojojn ĝis Sofio (ĉ. 50km + ringoŝoseo).

Tiuj, kiuj venas de Grekio, povas atingi Sofion per A25 (en Grekio) + A3 (en Bulgario). En Bulgario, tamen, A3 ne estas kompleta, necesas foriri apud Dolna Gradeŝnica kaj veturi tra ordinara vojo dum ĉ. 40km preskaŭ ĝis Blagoevgrado.

Tiuj, kiuj venas de Turkio, povas kompletigi la tuta vojaĝon de Istabulo al Burgaso tra aŭtoŝoseo (O-3 en Turkio, A4 + A1 en Bulgario), kvankam la vojaĝo estas sufiĉe pli longa ol rekta linio. Eblas pli malgrandigi la kvanton de km per ordinaraj vojoj inter Edirne kaj Veselinovo, aŭ inter Babaeski kaj rekte Burgaso.

Fine, la vojaĝantoj venantaj de Rumanio devas uzi plejparte ordinarajn vojojn.

Transportiĝi

Vidi

1 Aleksandrovska (Александровска) estas longa nord-suda aleo tra la centro, rezervita al la piedirantoj. La flanka bildo montras la Kompason (Компаса), ĉe unu el ĝiaj vojkrucoj.

2 Katedralo sanktaj Kirilo kaj Metodio (Св. св. Кирил и Методий, ortodoksa), konstruita inter 1897 kaj 1907.

3 Armena Ortodoksa Preĝejo (Арменска православна църква), konstruita en 1855.

Aĉeti

Loĝi

Esperanto