Budaörs

Budaörs

Lando

Hungario

Regiono

Orienta Transdanubio

Loĝantaro

28 844

Budaörs estas naveda urbo en orienta Transdanubio en meza Hungario. Budaörs estas la okcidenta pordo de Budapeŝto.

Kompreni

Budaörs situas inter montoj kontaktiĝanta kun Budapeŝto. Budakeszi troviĝas 6, Budapeŝto (urbocentro) 8, Székesfehérvár 51 kilometrojn (aere).

Historio

La unua mencio pri Budaörs okazis en 1236. Dum la mezepoko ĝi estis eklezia bieno kun preĝejo. Sur la deklivoj oni kultivis vitojn. Supozeble dum la turka dominado la vilaĝo senhomiĝis, poste amase germanaj enmigrintoj alvenis. Budaörs prosperis en la 20-a jarcento pro industriiĝo de Budapeŝto, kiun interrompis la 2-a mondmilito. Pro la longa sieĝo kaj posta deportado de germanoj la loĝantaro perdis 3/4 partojn! Budaörs ricevis urborajton en 1986. Nuntempe la evoluo estas nehaltigebla, eĉ la urbo estas statistike la plej riĉa hungara urbo.

Klimato

Budaörs troviĝas en modera, kontinenta klimato, kiel plena Hungario.

Eniri

Budaörs estas tre bone alirebla voje kaj trajne.

Eniri avie

La plej proksima internacia flughaveno funkcias en Budapeŝto. Ĝis 1950 tie funkciis flughaveno de Budapeŝto. La restinta flughaveno servas sportajn celojn.

Eniri trajne

La trajnoj el meza kaj norda Transdanubio trairas Budaörs, sed la rapidvagonaroj ne haltas.

Eniri voje

La komuna aŭtovojo el Balatono kaj Vieno al Budapeŝto trairas la urbon, sed la aŭtovojo havas aliĝon kun la urbo.

Transportiĝi

Budaörs estas facile alirebla, sed la trafika bruo estas evidente granda.

Publika transporto

En Budaörs la aŭtobusa trafiko estas integrita al la Budapeŝta, sed necesas nova bileto. Estas plano konstrui metroan linion al Budapeŝto. Por navedaj celoj ankaŭ la fervojo estas uzata.